日前有兩隻金毛尋回犬跟主人行山時中暑死亡。

聽到呢單新聞好傷心，Lord Sir 不得不在百忙中同大家講：

「咁既天氣，唔該唔好帶狗狗行山！」

呢排天氣咁熱，我連跟小人去隔籬村食嘢都懶行，更何況係行山！

以 Lord Sir 數年來跟隨小人 Sir 上山下海既經驗，請各位要留意住天氣情況，唔好再搵命搏！

早兩日已經掛緊一號戒備訊號，雖然整日無乜落雨，亦無酷熱天氣警告，但太陽甚為猛烈，而且響呢個「蓮花」影響下，風都無滴，空氣極度翳焗，叫你行平路都辛苦啦，何況係一隻披著厚厚皮毛既狗狗？

狗狗唔識講說話，到主人發現牠有不適跡象時，再求救可能已經太遲！

我 Lord  Sir 見到新聞圖片入面既消防哥哥，穿著一身裝備，抬住幾十磅既狗狗落山，我都好戥佢地辛苦！當然，仲有幫手救人的救護員哥哥都辛苦了！

行山除咗要睇天氣，最好揀ｄ沿路有樹蔭既地方！仲有，衡量自己及狗狗既體力，留意路段是否多上斜或石級等。

認清楚你條路線，有咩事都知道自己響邊個路段。

齋餵水唔夠，可以灑水在狗狗身上降溫。

最後，講多次，咁既天氣唔好帶狗狗行山！狗主自己要行山，除咗睇天氣，都要留意自己身體情況。

我 Lord Sir 同我老細都唔希望再有狗狗出事！